Маргааш Сүхбаатарын талбайд жагсаал зохион байгуулах зөвшөөрөл өгөөгүй

Маргааш буюу арваннэгдүгээр сарын 26-ны Анхдугаар үндсэн хуулиа баталсан 100 жилийн ойн тэмдэглэлт өдөр Сүхбаатарын талбайд жагсаал болно гэх мэдээлэл түгсэн.

Тодруулбал, иргэн О.Отгонтөгс нарын хүмүүс “Сэр залуус аа” нэрт жагсаалыг арваннэгдүгээр сарын 26-нд зохион байгуулна гэж зар тараасан юм.

Энэ талаар ЦЕГ-аас тодрууллаа.

Жагсаал зохион байгуулах зөвшөөрлийг Сүхбаатар дүүргийн Тамгын газраас авч, энэ дагуу цагдаагийн байгууллагад мэдэгддэг.

ЦЕГ-ын хувьд “Маргааш жагсаал болох ямар нэг зөвшөөрөл өгөөгүй байна. Бидэнд мэдэгдээгүй” гэж хариуллаа.