Есөн сартай болон хоёр настай хүүхдүүд өөрт ойр байрлах өрх, сумын эрүүл мэндийн төвд хандан улаанбурхан, гахай хавдар, улаанууд өвчнөөс хамгаалах вакциныг хийлгэх боломжтой.

Улаанбурхан өвчнөөс урьдчилан сэргийлэх хамгийн үр дүнтэй арга бол вакцинжуулалт юм. Улаанбурхан өвчний эсрэг вакциныг 1963 оноос хойш дэлхий даяар олон арван жилийн турш хэрэглэж ирсэн бөгөөд аюулгүй, үр дүнтэй нь шинжлэх ухааны үндэслэлтэйгээр батлагдсан.