Найруулагч Б.Баатарыг цагдан хорих асуудлыг хэлэлцсэн шүүх шийдвэрээ гаргахаар завсарлаад байна

Найруулагч Б.Баатарыг цагдан хорьсон тухай цахим орчинд мэдээлэл гарсан. Энэ талаар Тагнуулын ерөнхий газар, Цагдаагийн ерөнхий газар, Авлигатай тэмцэх газрын олон нийттэй харилцах хэлтсээс тодруулахад “Манайхаас баривчлах ажиллагаа явуулаагүй” гэх хариултыг өгсөн юм.

Ингээд Нийслэлийн прокурорын газраас тодруулахад “Б.Баатарыг цагдан хорих саналыг шүүхэд хүргүүлсэн. Яг одоо шүүх уг асуудлыг хэлэлцэж байна” гэв.

Дүүргийн Эрүү, Иргэний хэргийн хялбар ажиллагааны анхан шатны тойргийн шүүх найруулагч Б.Баатарыг цагдан хорих саналыг хэлэлцэн, шийдвэрээ гаргахаар түр завсарлаад байгаа ажээ.