Дизель түлшний үнэ нэмэгдэнэ

Шатахууны шуурхай штабаас нийлүүлэлт, нөөцийн талаар мэдээлэл хийх үеэр дизель түлшний үнэ өсөх болсныг мэдэгдлээ. Олон улсын зах зээлд дизель түлшний үнэ 20 орчим хувиар нэмэгдсэн тул өвлийн түлшний захиалга орж ирэх үед үнэд өөрчлөлт орох аж. 

Монополын эсрэг газрын дарга Б.Амарсанаагийн мэдээлснээр одоогоор дотоодын зах зээлд аж ахуйн нэгжүүдийн есдүгээр сард татан авсан түлш зарагдаж байгаа. 10 дугаар сарын захиалга ирэх үед ААН-үүд орж ирсэн хугацаатай уялдуулан үнээ өөрчилнө гэв.

Улсын хэмжээнд 10 дугаар сарын 21-ний өдрийн байдлаар:

• АИ92 автобензин 21,474 тн буюу 10 хоног,
• АИ95 автобензин 1567 тн буюу 13 хоног,
• Дизель түлш 112,800 тн буюу 28 хоног,
• ТС 1 онгоцны түлш 7400 тн буюу 36 хоногийн ердийн хэрэглээний үлдэгдэлтэй байна.