Доналд Трамп, Ши Жинпин нар Сөүлд уулзана

АНУ-ын Ерөнхийлөгч Доналд Трамп, БНХАУ-ын дарга Ши Жиньпинтэй БНСУ-д ирэх сард уулзана. Ирэх сарын сүүлээр Сөүлд APEC буюу Ази-Номхон далайн хамтын ажиллагааны дээд хэмжээний уулзалт болох юм.

Хамгийн сүүлд хоёр улсын тэргүүнүүд утсаар ярьж, TикToк-той холбоотой маргааныг шийдсэн юм. Энэ талаар Доналд Трамп Truth Social хаягнаасаа мэдээлсэн. Энэ нь америкт төвтэй, нийгмийн цахим сүлжээ юм.

Тэрээр “Ши даргатай утсаар ярьж, худалдаа, фентанил, Орос-Украины дайн гэх мэт олон асуудлаар үр дүнтэй ойлголцолд хүрлээ. Би түүнтэй удахгүй уулзахаар тэсэн ядан хүлээж байна. Бид нүүр тулан уулзаж, ТикТок-ийн худалдан авалтын нарийн асуудлуудыг тохиролцоно” гэжээ.

Доналд Трамп 2026 онд Бээжинд айлчлахаар болжээ. Тэрээр БНХАУ-ын даргыг АНУ-д тааламжтай үедээ зочлохыг урьсан байна.