Сингапур улс ЕБС-ийн сурагчдад хичээлийн үеэр ухаалаг утас ашиглуулахгүй

2026 оны 1-р сараас эхлэн ерөнхий боловсролын сургуулийн сурагчдыг дэлгэцийн хэрэглээг чангатгах удирдамжийн хүрээнд хичээлийн бус цагаар, тухайлбал завсарлага, хамтарсан хичээлийн үеэр ухаалаг утас, ухаалаг цаг ашиглахыг хориглохоор төлөвлөж байна. Одоогийн байдлаар тэд зөвхөн ердийн хичээлийн цагаар эдгээр төхөөрөмжийг ашиглах нь хязгаарлаж байгаа юм. Боловсролын яамнаас гаргасан шинэчилсэн удирдамж нь хүүхдүүд болон тэдний эцэг эхчүүдэд эрүүл цахим дадал хэвшүүлэхэд нь туслах зорилгоор 11-р сарын 30-нд зарласан цуврал санаачилгын нэг хэсэг юм.

ЭМЯ-ны мэдэгдэлд сурагчдын төхөөрөмжийг хичээлийн цагаар шүүгээ, цүнх зэрэг зориулалтын хадгалах газар хадгалах шаардлагатай гэж мэдэгджээ. 2021 оноос хойш ерөнхий боловсролын сургуулийн сурагчид сургуулийн зөвшөөрөлтэй таблет эсвэл зөөврийн компьютер болох ихэвчлэн iPad эсвэл Chromebook зэрэг хувийн сургалтын төхөөрөмжтэй болсон.

Хувийн сургалтын төхөөрөмж бүр дээр төхөөрөмжийн удирдлагын програм суулгасан байдаг бөгөөд энэ нь сургуулиудыг порнограф, мөрийтэй тоглоом гэх мэт хүсээгүй интернет контент руу нэвтрэх боломжийг хааж, дэлгэцийн цагийн хязгаарыг тогтоох боломжийг олгодог.

Шинэчилсэн удирдамжийн талаар Боловсролын яамны сайд Жасмин Лау Инстаграм хуудастаа технологи нь боловсролын системийн нэг хэсэг болж, өдөр тутмын амьдралд тустай ч бид эрүүл тэнцвэрийг олж, зуршил эрт бий болдог гэдгийг ойлгох хэрэгтэй гэжээ.

https://www.straitstimes.com/singapore/parenting-education/no-phone-use-in-secondary-schools-from-2026-including-during-recess-and-ccas