ТАНИЛЦ: Сурагчдын өвлийн амралтын хуваарь

xpost 2025 оны 12-р сар 15

Бага ангийн сурагчид энэ оны арванхоёрдугаар сарын 15 буюу өнөөдрөөс эхлэн амарч буй. Тэдний хичээл 2026 оны нэгдүгээр сарын 26-ны даваа гаригт эхлэх бөгөөд зургаан долоо хоног амрах юм.

Харин дунд, ахлах ангийн сурагчид арванхоёрдугаар сарын 22-ноос амарна. Гэхдээ эхний долоо хоногийн хугацаанд хичээл цахимаар үргэлжлэх юм.

Боловсролын яамнаас өгсөн мэдээллээр, 2025-2026 оны хичээлийн жилийн бүтэц мөн гурван улирлаараа явна. Энэ жил өвлийн амралтыг нэг долоо хоногоор сунгаж байгаагаараа онцлог. Өвлийн амралтыг сунгасантай холбогдуулан 2026 оны зургадугаар сарын хичээлийн хуваарьт өөрчлөлт орж, зургаадугаар сарын 8-12-ны өдрүүдэд сурагчид хичээллэнэ.