Гадаадын иргэнийг хүчирхийлсэн этгээдийг саатуулан шалгаж байна

Баян-Өлгий аймагт аялаж явсан гадаад эмэгтэйг хүчирхийлсэн хэргийн талаар цагдаагийн байгууллагаас тодрууллаа.

2026 оны есдүгээр сарын 10-ны өдөр Баян-Өлгий аймгийн Ногооннуур сумын нутагт гадаад улсын иргэн бусдад хүчиндүүлсэн гэх мэдээлэл бүртгэгдсэн. Тус аймгийн цагдаагийн газраас шалгалтын ажиллагаа явуулахад хохирогч гадаад улсын иргэн эмэгтэйг явган аялал хийж явахдаа 2026.09.09-ний өдөр бусдын автомашинд дайгдан, айлд хоноглох үед согтуурсан иргэн хүчиндсэн нөхцөл байдлыг материалжуулан шалгаж байна.